Негізгі мәліметтер
ҚР-ДЗ-5№018173
ГРИПП-ХЕЕЛЬ
Таблеткалар
- жоғары қызбамен жəне айқын интоксикациямен жүретін тұмау, ЖРВИ емдеуде
- тұмау жəне ЖРВИ профилактикасында
- айқын қызба жəне интоксикациямен басқа инфекциялық ауруларда
Ересектер үшін бірреттік доза – тамаққа дейін немесе тамақтанғаннан кейін 1 сағаттан соң тіл астына 1 таблетка (толық сорғанға дейін). Əдетте күніне 3-5 рет 1 таблеткадан тағайындалады. Жедел жағдайларда алғашқы екі сағат ішінде əр 15 минут сайын бір реттік дозаны тіл астына (толық сорғанға дейін) қабылдайды.
Жағдай жақсарған кезде тамақтанғанға дейін 15 минут бұрын немесе бір сағат кейін күніне 3 рет қабылдауға көшуге болады. Емдеу курсы 5-10 күн. Ауру симптомдары жоғалғаннан кейін асқынулардың профилактикасы мақсатында препаратты тағы 5-7 күн ішінде тəулігіне 2 рет қабылдауды жалғастыру ұсынылады.
Профилактикалық мақсатта таблеткаларды үнемі қабылдау ұсынылады: күз-қыс мезгілінде күніне 1 рет 1 таблеткадан (таңертең), ал тұмау эпидемиясы кезеңінде күніне 2 рет (таңертең жəне кешке).
Хранить в оригинальной упаковке при температуре от 9 °С до 29 °С.
Хранить в недоступном для детей месте!
Түпнұсқалық қаптамасында, 9oС-ден 29oС-ге дейінгі температурада сақтау керек.
Балалардың қолы жетпейтін жерде сақтау керек!
Егжей-тегжейлі ақпарат
Бір таблетканың құрамында
белсенді заттар:
Aconitum napellus D4 120.0 мг
Bryonia D4 60.0 мг
Lachesis mutus D12 60.0 мг
Eupatorium perfoliatum D3 30.0 мг
Phosphorus D5 30.0 мг
қосымша заттар: магний стеараты, лактоза моногидраты.
Дөңгелек пішінді, беті тегіс, ақтан ақшыл сары түске дейінгі, сызығы бар, иіссіз таблеткалар. Жекелеген жағдайларда таблетканың бетінде көрінетін қара жəне сары дақтарға жол беріледі.
Суық тиюдің симптомдарын жоюға арналған басқа препараттардың біріктірілімі.
АТХ коды R05X
Фармакокинетикасы
Гомеопатиялық препараттардың фармакокинетикалық қасиеттерін зерттеу мүмкін емес.
Фармакодинамикасы
Препарат, препарат құрамына кіретін заттардың есебінен организмнің қорғаныс күшін белсендіруге жəне бұзылған функцияларды қалпына келтіруге негізделген дезинтоксикациялық, қабынуға қарсы, иммунитетті қалпына келтіретін əсер етеді.
- аллергиялық реакциялар болуы мүмкін
- препарат компоненттеріне аса жоғары сезімталдық
Басқа дəрілік заттармен өзара əрекеттесуі анықталмаған.
Клиникалық көрініс толығымен қалпына келгеннен кейін организмнің толық детоксикациясы мақсатында тағы 3-5 күн ішінде препаратты қабылдауды жалғастыру ұсы-
нылады. Препараттың құрамында лактоза бар, сондықтан лактозаны көтере алмаушылық, Lapp-лактоза ферментінің тапшылығы жəне глюкоза-галактоза мальабсорбциясы бар пациенттерге препаратты қабылдауға болмайды.
Жүктілік жəне лактация кезеңі
Тек қана дəрігерден алдын ала кеңес алғаннан кейін ғана қолдануға болады.
Дəрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Көлік құралдарын немесе қауіптілігі зор механизмдерді басқару қабілетіне əсер етпейді.
Препараттың артық дозалану жағдайлары сипатталмаған.
50 таблеткадан полипропиленнен жасалған тығын-қақпағы бар полипропилен контейнерге салынған.
1 контейнерден медициналық қолдану жөніндегі мемлекеттік жəне орыс тілдеріндегі нұсқаулықпен бірге картон қорапшаға салынады.
5 жыл
Қаптамада көрсетілген жарамдылық мерзімі өткеннен кейін қолдануға болмайды!
Рецептісіз
Биологише Хайльмиттель Хеель ГмбХ
Д-р Рекевег-штрассе 2-4, 76532 Баден-Баден, Германия
Биологише Хайльмиттель Хеель ГмбХ
Д-р Рекевег-штрассе 2-4, 76532 Баден-Баден, Германия
Қазақстан Республикасы аумағында тұтынушылардан: дəрілік заттың сапасына қатысты шағымдарды (ұсыныстарды) қабылдайтын; дəрілік заттың тіркеуден кейінгі қауіпсіздігін қадағалауға жауапты ұйымның мекенжайы
«AEM Services» ЖШС
050040, ҚР, Алматы, əл-Фараби д-лы, 75А үй, 102-103 кеңсе
aemservices@mail.ru
+7 707 798 83 83
