Құпиялық саясаты
1. Жалпы ережелер
Осы құпиялық саясаты (бұдан әрі – «Құпиялық саясаты») «Биологише Хейльмиттель Хеель Гмбх» жауапкершілігі шектеулі қоғамының (бұдан әрі – «ХЕЕЛЬ», «біз») www.heel.kz (бұдан әрі – «Сайт») сайтын пайдаланушылар туралы ақпаратты жинауының, сақтауының, қорғауының, өңдеуіңің, беруінің және таратуының шарттары мен мақсаттарын анықтайды.
ХЕЕЛЬ Сіздің дербес деректеріңізді Қазақстан Республикасының дербес деректерді қорғау туралы заңнамасының талаптарына сәйкес пайдаланады. ХЕЕЛЬ Сіздің дербес деректеріңіздің құпиялығын сақтауды міндетіне алады.
Сайтты пайдаланбас бұрын немесе бізге дербес деректеріңізді бермес бұрын осы Құпиялық саясатын оқып шығуыңызды өтінеміз.
Сайтты пайдалану арқылы Сіз ХЕЕЛЬ компаниясының Құпиялық саясатында көрсетілген шарттармен дербес деректеріңізді жинауына және өңдеуіне келісесіз. Егер Сіз Құпиялық саясатының ережелеріне келіспесеңіз, онда Сайтты пайдалануды тоқтатуыңыз жөн.
Баланың дербес деректерін өңдеу қажет болған жағдайда, оның дербес деректерін өңдеуге оның заңды өкілі келісім береді.
Біздің жаһандық құпиялық саясатымызбен танысып шығыңыз: https://www.heel.com/en/privacy-policy.html
2. Анықтамалар мен қысқартулар
«Пайдаланушы» – тіркелген Сайтқа кіруші, заңды тұлғалардың, олардың оқшауланған бөлімшелерінің өкілі, Сайтты пайдаланатын жеке кәсіпкер, сондай-ақ Сайтта тіркелмеген Сайтқа кіруші.
«Денсаулық сақтау саласының маманы» - Сайтта тіркеуден өткен, медициналық ұйымда жұмыс істейтін немесе медициналық қызметті жүзеге асыратын жеке кәсіпкер болып табылатын медицина қызметкері.
«Дербес деректер» - электрондық, қағаздағы және (немесе) өзге де материалдық жеткізгіште жазылған, олардың негізінде анықталған немесе анықталатын дербес деректер субъектісіне қатысты мәліметтер.
«Дербес деректерді өңдеу» - дербес деректерді жинақтауға, сақтауға, өзгертуге, толықтыруға, пайдалануға, таратуға, иесіздендіруге, бұғаттауға және жоюға бағытталған әрекеттер.
«Дербес деректерді трансшекаралық табыстау» - дербес деректерді шет мемлекеттердің аумағына табыстау.
Осы Құпиялық саясатында пайдаланылатын басқа да терминдер Қазақстан Республикасының заңнамасына сәйкес айқындалады.
3. ХЕЕЛЬ жинайтын ақпарат және оны өңдеу мақсаттары
ХЕЕЛЬ компаниясы Сіз Сайттағы нысанға немесе деректер өрісіне енгізетін немесе Сайттың көмегімен бізге басқа жолмен беретін ақпаратты жинайды және өңдейді.
Атап айтқанда, Сайтта тіркелген кезде Денсаулық сақтау саласының маманы Сайтта тіркелу, Сайттың белгілі бір бөлімдеріне кіру, Денсаулық сақтау саласы маманының әр түрлі тақырыпта ақпарат жолдау немесе алу мақсатымен, соның ішінде біздің өнімді пайдалануға байланысты жағымсыз құбылыстар туралы ақпаратты, Сайт арқылы қолдау қызметіне сұрау салуды, шағымды жолдайтын жағдайда тегін, атын, әкесінің атын (егер ол жеке басын куәландыратын құжатында көрсетілсе), телефонының нөмірін, қай қалада тұратынын, білімі және жұмыс орны, мамандығы туралы мәліметтерді, электрондық адресін көрсетеді.
Пайдаланушылар шағымданған, сұрау салған, өтінішпен жүгінген кезде, соның ішінде біздің өнімдерді пайдалануға байланысты жағымсыз құбылыстар туралы ақпаратты жіберген жағдайда ХЕЕЛЬ Пайдаланушының шағымына, сұрау салуына, өтінішіне жауап беру және қажет болған жағдайда кері байланыс алу үшін қажетті жеке ақпаратты жинауы мүмкін. Пайдаланушы жүгінген кезде берілетін ақпараттың көлемінде Пайдаланушының тегі, аты, әкесінің аты (егер ол жеке басын куәландыратын құжатында көрсетілсе), телефон нөмірі, электрондық адресі, ХЕЕЛЬ дәрілік препараттарын қабылдағаны, медициналық көмек сұрағаны туралы фактілер, ХЕЕЛЬ дәрілік препараттарының жанама әсері туралы ақпарат, сондай-ақ Сайттағы тиісті нысанға немесе деректер өрісіне енгізілетін сұрауға, шағымға немесе хабарламаға қатысты басқа да деректер қамтылуы мүмкін
Сонымен қатар біз Сайтқа кіргеніңіз туралы ақпаратты, мысалы, Сіздің қай беттерге кіргеніңіз, қай веб-сайттан кіргеніңіз және нені іздегеніңіз туралы ақпаратты (Пайдаланушы браузерінен алынған ақпарат), геолокация туралы ақпаратты, Сайтқа кіру үшін пайдаланылған құрылғылардың IP-адрестерін, сондай-ақ құрылғылардың басқа деректерін, cookies файлдарының, пиксельдердің көмегімен жиналған ақпаратты жинауымыз және өңдеуіміз мүмкін. Бұл ақпаратты біз Сайттың мазмұнын жақсарту және ішкі мақсаттар мен нарықтық зерттеулер мақсатында Сайтты пайдаланатын жеке тұлғалар туралы жалпы статистикалық деректерді жинау үшін пайдаланамыз. Осы әрекеттің жүзеге асырылуы барысында Сіздің компьютеріңізге Пайдаланушының домендік атын, Интернет қызметтерін жеткізу, Сіздің операциялық жүйеңіз туралы ақпаратты, сондай-ақ Сіз кірген күн мен уақыт туралы ақпаратты алатын «cookies» файлдары орнатылуы мүмкін.
Cookies файлдары – Сіздің браузерге жіберілетін және компьютеріңіздің қатты дискісінде сақталатын қысқаша ақпарат. Cookies файлдары Сіздің компьютеріңізге зиян тигізбейді. Cookies файлдары дербес деректеріңізге қол жеткізуге мүмкіндік бермейді. Егер Сіз бұрын Сайтқа кірген болсаңыз, Cookies файлдары браузеріңізді тануға, оның мазмұнын қараған кезде Сіз ұнақтан нәрсені сақтауға және жадыда сақтауға көмектесуге арналған. Егер Сіз Сайтта кез келген дербес ақпаратты енгізсеңіз, ол сookies файлдарындағы деректермен байланыстырылады. Сіз өзіңіз пайдаланатын браузердің теңшелімдерінде cookies файлдарын пайдалану тәртібін анықтай аласыз, соның ішінде оларды жоя аласыз.
Сіз браузер теңшелімдерін орнатқанда cookies файлдарын алған кезде хабарлама келетінін қарастыра аласыз. Бұл Сізге осы cookies файлын алуға келісу немесе келіспеу туралы шешім қабылдауға мүмкіндік береді. Дегенмен, егер Сіз осы cookies файлын алуға келіспесеңіз, браузеріңіздің бағдарламалық жасақтамасының бүкіл функционалын пайдалана алмайтыныңыз туралы хабарлағымыз келеді. Біз қызметтерді көрсету және cookies файлдарын жинау мен өңдеуге көмектесу үшін бөгде серіктестерді тарта аламыз.
Кейбір кезде біз Сайтта Интернет тегтерін (сондай-ақ әрекет тегтері, бір пиксельді GIF файлдары, бос GIF файлдары, көрінбейтін GIF файлдары және ажыратылымы 1-1 GIF файлдары ретінде белгілі) және cookies файлдарын пайдалануымыз мүмкін және бұл тегтерді / cookies файлдарын жарнама бойынша бөгде серіктес немесе веб бойынша сараптама жасайтын серіктес арқылы орналастыруымыз мүмкін. Бұл тегтер мен cookies файлдары сондай-ақ Сайтқа келушілерді әкелетін онлайн жарнамада және Сайттың әртүрлі парақтарында орналастырылады. Біз Сайтқа кірушілердің пікірлерінің санын және, егер жүргізілген болса, жарнамалық науқандарымыздың тиімділігін өлшеу үшін (бұл туралы жарияланған материалда тікелей көрсетіледі (соның ішінде парақтың қанша рет ашылғаны және қандай ақпараттың оқылатыны туралы)), сондай-ақ Сіздің осы Сайтты пайдалануыңызды бағалау үшін технологияны пайдаланамыз. Бөгде серіктес немесе веб бойынша сараптама қызметтерін көрсететін серіктес осы Интернет тегтерінің / cookies файлдарының арқасында Сайтқа кірушілер туралы деректерді жинай алады, Сайттағы әрекеттерге қатысты есептерді құрастыра алады және веб-сайт пен Интернетті пайдалануға қатысты басқа қызметтерді ұсына алады.
ХЕЕЛЬ Сізді сәйкестендіретін ақпаратты Интернет тегтері мен cookies файлдарын жинау және өңдеу барысында алынған ақпаратпен салыстырмайды.
Біз Сізден Сайттың арнайы бөлімдері мен жеке парақтарында немесе дерек өрістерінде берілуге тиіс деп ұйғарылған ақпаратты ғана беруіңізді сұраймыз. Дербес деректеріңізді қорғау мақсатында Сіз ХЕЕЛЬ компаниясына арнайы сұралмаған ақпаратты бермеуіңіз керек.
ХЕЕЛЬ нәсілдік немесе этникалық шығу тегі, саяси, діни немесе дүниетанымдық нанымдар, саяси партиялар мен кәсіптік одақтарға мүшелік туралы дербес деректерді және осыған ұқсас ақпаратты, сондай-ақ осы Құпиялық саясатында көрсетілгеннен басқа кез келген ақпаратты жинамайды және өңдемейді.
Ақпаратты жинау және өңдеу мақсаттары
Дербес деректерді өңдеу тек Сайттың мазмұнына және басқа контентіне қол жеткізуді қамтамасыз ету және Сайтты кез келген қолжетімді функционал шеңберінде пайдалану, хабарламаларға жауап беру үшін, Қазақстан Республикасы заңнамасының талаптарын орындау мақсатында ғана, сондай-ақ келесі мақсаттарға қол жеткізу үшін жүзеге асырылуы мүмкін:
- Қазақстан Республикасының заңнамасына және ХЕЕЛЬ ішкі саясатына сәйкес Пайдаланушылардан өнімді пайдалануға байланысты келіп түскен сұраныстарды, өтінімдерді, соның ішінде жағымсыз құбылыстар туралы хабарламаларды өңдеу;
- ХЕЕЛЬ компаниясының Пайдаланушы алдындағы міндеттемелерін орындау;
- ХЕЕЛЬ компаниясы мен Сайттың көрсететін қызметінің, жұмысының сапасын бағалау және жақсарту, жаңа қызметтерді, өнімдерді әзірлеу;
- өнімдерді алға жылжыту, жарнамалық шаралар туралы хабарлау, жарнамалық акциялар, сауалнамалар, басқа да маркетингтік іс-шаралар өткізу, жеңімпаздарды анықтау, жүлдені тапсыру;
- ХЕЕЛЬ өзі жүргізетін және оның тапсырмасы бойынша үшінші тұлғалар жүргізетін статистикалық және маркетингтік зерттеулерді жүргізу үшін.
- Денсаулық сақтау саласының мамандарын Сайтта тіркеу және тіркеулік жазбасын жасау;
- Денсаулық сақтау саласының мамандарына Сайттың мамандандырылған бөліміндегі ақпараттық және оқу материалдарына қол жеткізу мүмкіндігін беру, соның ішінде ғылыми және/немесе практикалық сипаттағы мақалалар мен оқиғалар туралы ақпаратты беру;
- Денсаулық сақтау саласының мамандарына ХЕЕЛЬ өнімдері туралы ғылыми ақпаратты, сондай‑ақ оны қолдану туралы ақпаратты беру.
4. Дербес деректерді жинауға, өңдеуге берілетін келісім күшінде болатын мерзім
Сіздің дербес деректеріңізді сақтау мен өңдеуге берген келісіміңіз, ХЕЕЛЬ дербес деректерді жинау мен өңдеу мақсатына қол жеткізгенге дейін күшінде болады.
Өңделетін дербес деректер өңдеу мақсаттарына қол жеткізілген кезде немесе мұндай өңдеу қажеттілігі жоғалған жағдайда, сондай-ақ Пайдаланушының талабы бойынша (егер мұндай талап Қазақстан Республикасының заңнамасына қайшы келмесе) немесе Қазақстан Республикасының мемлекеттік органдарының немесе сотының заңды талабы бойынша жойылуға тиіс.
Сұрақтар туындаған немесе ақпарат алу, ақпаратты түзету, бұғаттау, жою туралы сұрауларыңыз пайда болған жағдайда, кері байланыс пішіні арқылы бізге хабарласуыңызды немесе ХЕЕЛЬ компаниясының дербес деректерді жинау мен өңдеу үшін жауапты тұлғасына мына электрондық пошта мекенжайы бойынша хабарлама жіберуіңізді өтінеміз: info@heel.com.
5. Өңделетін ақпаратқа кім қол жеткізе алады
Сіздің дербес деректеріңізге қол жеткізу мүмкіндігі ХЕЕЛЬ компаниясының саны шектеулі қызметкерлерінде ғана бар. Бұдан басқа, ХЕЕЛЬ оларды ХЕЕЛЬ қандай да бір бағдарламаларды бірлесіп жүргізетін кейбір компанияларға және ХЕЕЛЬ алатын дербес деректердің құпиялығын сақтауды көздейтін шарттар жасасқан үшінші тұлғаларға (бұдан әрі – «Серіктестер») және де осы Құпиялық саясатында белгіленген дербес деректерді жинау мен өңдеу мақсатында ғана табыстауға құқылы.
Біз өз қызметкерлерімізді ХЕЕЛЬ Құпиялық саясатына, дербес деректерді жинау мен өңдеудің ішкі ережелеріне және Қазақстан Республикасы заңнамасының талаптарына сәйкес пайдаланушылардың дербес деректерінің құпиялығын сақтаудың маңыздылығы мәселелері бойынша оқытамыз.
ХЕЕЛЬ өзінің Серіктестеріне дербес деректердің құпиялығын сақтау және ХЕЕЛЬ қызметтерін көрсету шеңберінде дербес деректерді пайдалану жөнінде талап қояды.
Сонымен қатар ХЕЕЛЬ компаниясы Қазақстан Республикасының заңнамасы бойынша талап етілетін жағдайларда ғана және сұрау салудың Қазақстан Республикасы заңнамасының талаптарына сәйкес жасалуы шартымен ғана бізде бар ақпаратты мемлекеттік органдарға немесе соттарға беруге міндетті.
Жоғарыдағы Құпиялық саясатында арнайы атап өтілген жағдайларды қоспағанда, ХЕЕЛЬ Сіздің дербес деректеріңізді компанияларға, үшінші тұлғаларға, егер сіз мұндай табыстауға тыйым салсаңыз, – табыстамайды. Осы құқықты пайдалану үшін кері байланыс нысаны арқылы ХЕЕЛЬ компаниясына хабарласуыңызды немесе ХЕЕЛЬ компаниясының дербес деректерді жинау мен өңдеу үшін жауапты тұлғасына мына электрондық мекенжай бойынша хабарлама жіберуіңізді өтінеміз: aem-services@mail.ru.
ХЕЕЛЬ Денсаулық сақтау саласы мамандарының алынған дербес деректерін Қазақстан Республикасының заңнамасына сәйкес рұқсат етілген көлемде, нысанда және мақсатта клиникалық жағдайлар туралы ақпаратты жариялау мақсатында ғана жалпыға қолжетімді дереккөздерде таратуға құқылы. Басқа Пайдаланушылардың дербес деректерін жалпыға қолжетімді дереккөздерде таратуға жол берілмейді.
6. Деректерді трансшекаралық табыстау
Сайттың Пайдаланушылары туралы, соның ішінде Денсаулық сақтау саласының мамандары туралы біз жинаған ақпарат Қазақстан Республикасы аумағында орналасқан дерек базаларының көмегімен өңделеді.
Дегенмен, ХЕЕЛЬ халықаралық компания болып табылатынына назарыңызды аударамыз. Бізге өзіңіз берген немесе Сіздің Сайтты пайдалануыңыздың нәтижесінде біз Сізден алған ақпарат Қазақстан Республикасы заңнамасының талаптарын, сондай-ақ ХЕЕЛЬ компаниясының дербес деректерді жинау және өңдеу ережелерінің сақталуы шартымен басқа юрисдикцияларға берілуі мүмкін. Сайтты пайдалану арқылы Сіз дербес деректеріңізді өңдеу үдерісінде ХЕЕЛЬ компаниясының өз білуінше кез келген юрисдикцияларға трансшекаралық табыстауына келісім бересіз.
7. Ақпаратты қорғау
Біз жинайтын және өңдейтін ақпаратты қорғау ХЕЕЛЬ басымдығы болып табылады.
Біз Қазақстан Республикасының заңнамасына сәйкес дербес деректерді өңдеу және қорғау саласындағы халықаралық шарттардың, Қазақстан Республикасы заңнамасының және заңға тәуелді актілердің талаптарына сәйкес дербес деректердің қауіпсіздігі мен құпиялығын қамтамасыз ету үшін қажетті құқықтық, ұйымдастырушылық және техникалық шараларды қабылдаймыз.
ХЕЕЛЬ ережелерінің бірі дербес деректердің ақпараттық жүйелерінің, Сіздің дербес деректеріңіз өңделуі мүмкін болатын Сайт парақтарының, сондай-ақ тұтастай Сайттың қауіпсіздігін қамтамасыз ету болып табылады.
8. ХЕЕЛЬ компаниясына қалай хабарласуға болады
ХЕЕЛЬ Сіздің сұрау салуыңыз бойынша Сізге дербес деректерді өңдеуге қатысты ақпаратты, соның ішінде: 1) дербес деректердің өңделу фактісінің растауын; 2) дербес деректерді өңдеу мақсаттарын; 3) дербес деректерді жинау көздерін; 4) дербес деректерді жинау мен өңдеудің қолданылатын тәсілдерін; 5) дербес деректердің тізбесін; 6) дербес деректерді өңдеу мерзімін, соның ішінде оларды сақтау мерзімін; 7) заңнамада көзделген өзге де мәліметтерді қамтитын ақпаратты ұсынатынына кепілдік береді (ақпарат алу құқығы).
Тиісті құжаттармен расталған негіздер болған жағдайда Пайдаланушы ХЕЕЛЬ компаниясынан өзінің дербес деректерін өзгертуді және толықтыруды талап ете алады (түзету құқығы).
Дербес деректерді жинау, өңдеу шарттарының бұзылуы туралы ақпарат болған жағдайда, Пайдаланушының ХЕЕЛЬ компаниясынан өзінің дербес деректерін бұғаттауды талап ете алады (бұғаттау құқығы).
Дербес деректерді жинау және өңдеу Қазақстан Республикасының заңнамасын бұза отырып жүзеге асырылса, сондай-ақ Қазақстан Республикасының нормативтік құқықтық актілерінде белгіленген өзге де жағдайларда Пайдаланушы ХЕЕЛЬ компаниясынан өзінің дербес деректерін жоюды талап ете алады (жою құқығы).
Қазақстан Республикасының заңнамасында көзделген жағдайларды қоспағанда, Пайдаланушының дербес деректерді жинауға, өңдеуге берген келісімін қайтарып алуға құқығы бар (келісімді қайтарып алу құқығы).
Егер Сізде Құпиялық саясатына қатысты қандай да бір сұрақ туындаса немесе Сіздің дербес деректеріңізді өңдеу туралы ақпаратты алғыңыз, нақтылағыңыз, түзеткіңіз (соның ішінде Сіз бізге өзіңіз туралы ақпаратты байқаусызда бердіңіз деп ойлайтын жағдайларды қоса) немесе оларды жойғыңыз, дербес деректерді өңдеуге келісіміңізді қайтып алғыңыз келсе, келесі мекенжайлар бойынша бізге хабарласыңыз:
- - электрондық өтінімдер үшін: info@heel.com
- - ХЕЕЛЬ компаниясының дербес деректерді жинау мен өңдеу үшін жауапты тұлғасына жазбаша түрде хабарласуға арналған мекенжай: Баден-Баден қаласы, Доктор Рекевег көшесі 2-4, 76532, Германия.
9. Саясатқа енгізілетін өзгерістер және олармен танысу
Сайтты пайдалану арқылы және осылайша Сіздің дербес деректеріңізді өңдеуге келісім бере отырып, сіз ХЕЕЛЬ компаниясы алдын ала ескертусіз өз қалауы бойынша Құпиялық саясатын мезгіл-мезгіл өзгерте, түрлендіре, толықтыра, жоя немесе басқа жолмен жаңарта алатынын мойындайсыз.
Біз жинайтын ақпарат түрлеріне, оны қалай пайдаланатынымызға және мұндай ақпараттың қандай жағдайда табысталуы мүмкін екендігіне қатысты Сіздің толық хабардар болуыңыз үшін біз Құпиялық саясатына өзгерістер енгізу туралы хабарды орналастырамыз. Құпиялық саясаты біздің бастапқы бетімізде орналасқан, сондай-ақ ол дербес деректер сұралатын Сайтымыздың кез келген бетінде қолжетімді. Осы орайда Сайттың кейбір жерлерінде ақпарат жинау үшін дербес деректерді өңдеуге Сіздің жеке және қосымша келісіміңізді алу (Құпиялық саясаты шеңберінде берілетін келісіммен салыстырғанда) қажет болуы мүмкін екеніне назарыңызды аударамыз. Құпиялық саясатының қолданыстағы нұсқасымен танысу Пайдаланушының міндеті болып табылады.