Пайдалану шарттары
Осы пайдалану шарттары (бұдан әрі – «Шарттар») «Биологише Хейльмиттель Хеель Гмбх» жауапкершілігі шектеулі қоғамы (бұдан әрі – «Компания», «біз») Пайдаланушыға (бұдан әрі – «Сізге») www.heel.kz доменінде орналасқан сервисті (бұдан әрі – «Сайт») ұсынатын жалпы шарттарды айқындайды.
1. Жалпы ережелер
2. Медициналық ақпарат
Сайттағы өнім туралы мәліметті Компания тек ақпараттық мақсатта ғана береді және ол медициналық сипаттағы жан-жақты ақпаратты қамтымайды және дәрігердің (денсаулық сақтау саласының басқа маманының) тікелей берген кеңесі немесе мұндай кеңесті алмастыратын ақпарат деп қарастырылмауға және түсінілмеуге тиіс.Тек егер Сайттағы материалда басқаша көрсетілмесе, Сайтта ұсынылған ақпарат жарнама немесе промоциялық материал болып табылмайды.
Сайтта орналастырылған ақпарат Сіздің денсаулығыңыз бен ықтимал ауруларыңызды өздігінен диагностикалау үшін пайдаланылмауы керек. Өнімдерді қолдануға қарсы көрсетімдер бар, сондықтан Сіз оларды қолданар алдында емдейтін дәрігеріңізден немесе денсаулық сақтау саласының басқа маманынан толық медициналық ақпарат алуға, сондай-ақ медициналық қолдану жөніндегі нұсқаулықты мұқият оқып шығуға тиіссіз. ЕГЕР СІЗДІҢ ҚАНДАЙ ДА БІР АУРУЫҢЫЗ БОЛСА, ЕМДЕЙТІН ДӘРІГЕРІҢІЗГЕ НЕМЕСЕ МЕДИЦИНА МЕКЕМЕСІНЕ ДЕРЕУ ХАБАРЛАСЫҢЫЗ. БІЗ ЖЕКЕ МЕДИЦИНАЛЫҚ ДИАГНОСТИКА ЖАСАМАЙМЫЗ ЖӘНЕ ЖЕКЕ ПАЦИЕНТТЕРДІ ЕМДЕУ БОЙЫНША КЕҢЕС БЕРМЕЙМІЗ. Кейбір дәрілік препараттарды тек рецепт бойынша ғана алуға болады. Денсаулық сақтау саласының қызметкерлері дәрілік препаратты медициналық қолдану жөніндегі нұсқаулықтан медициналық сипаттағы толыққанды мәліметті ала алады.
3. Өнім
Сайтта Компания туралы және Қазақстан Республикасында ресми тіркелген және оның аумағында еркін айналымда жүрген оның өнімдері (дәрілік препараттары) туралы жалпы ақпарат, сондай-ақ егер Сіз медицина, фармацевтика немесе денсаулық сақтау жүйесінің басқа қызметкері болсаңыз, коммерциялық емес жеке мақсаттар үшін немесе кәсіби деңгейіңізді жақсартуыңыз үшін Сайтқа орналастыру пайдалы болуы мүмкін деп ұйғарылған басқа да ғылыми ақпарат қамтылған.
Дегенмен, Компания мүше болып табылатын топтың басқа Сайттарында барлық елдерде, соның ішінде Қазақстан Республикасында бар бола бермейтін немесе басқа сауда атауларымен қолжетімді болуы мүмкін басқа тауар таңбаларымен/сауда атауларымен шығатын, мөлшерлемесі басқа немесе қолдануға көрсетімдері өзгеше өнімдердің сипаттамасы қамтылуы мүмкін екеніне назарыңызды аударамыз.
Қазақстан Республикасы заңнамасының талаптарына сәйкес Сайттың кейбір бөлімдерінде орналасқан ақпарат тек қана медицина және фармацевтика қызметкерлеріне, сондай-ақ денсаулық сақтау жүйесінің басқа қызметкерлеріне арналған болуы мүмкін. Бұл жағдайда мұндай бөлімдерге қол жеткізу шектелуі мүмкін. Мұндай бөлімдерге кіруіңіз үшін Компания Сайтқа кіру кезінде медицина, фармацевтика немесе денсаулық сақтау жүйесінің басқа қызметкері деген нақты мәртебеңізді растау мақсатында Сізден кейбір сұрақтарға жауап беруіңізді және/немесе ақпарат беруіңізді сұрау құқығын сақтайды.
4. Ақпаратты пайдалану
Сіз осы Сайттан алынған ақпаратты, соның ішінде кез келген мәтінді, суреттерді, аудио және бейнематериалдарды тек коммерциялық емес жеке мақсатта пайдалану үшін ғана жүктей аласыз немесе пайдалана аласыз. Сіздің бұл ақпаратты Компанияның жазбаша рұқсатынсыз коммерциялық мақсатта пайдалануыңызға болмайды. Сіз жүктеп алған кез келген материалдардағы авторлық құқық немесе басқа зияткерлік меншік құқықтары туралы хабарламаларды түгелімен сақтауға немесе қайталап көрсетуге тиіс боласыз. Сайттағы барлық материалдар авторлық құқықпен қорғалған және, егер өзгеше белгіленбесе, оларды Компанияның жазбаша рұқсатынсыз пайдалануға болмайды деп болжаған жөн. Компания Сайтта орналастырылған материалдарды пайдалануыңыз Компанияға тиесілі емес немесе оның үлестес тұлғалары болып табылмайтын үшінші тұлғалардың құқықтарын бұзбайтынына кепілдік бермейді. Жоғарыда аталған шектеулі қол жеткізу құқығын қоспағанда, Компания Сізге ақпаратқа басқадай рұқсат немесе құқық бермейді.
5. Тауар таңбалары
Басқаша көрсетілген жағдайларды қоспағанда, осы Сайтта көрсетілген барлық өнім атаулары, олардың үлкен қаріппен бейнеленгеніне немесе фирмалық символ орналастырылғанына қарамастан, Компанияның немесе Компания мүшесі болып табылатын топтың сауда таңбалары деп ұйғарған жөн. Бұл Сайтта сонымен қатар Компанияға немесе басқаларға тиесілі патенттер, қызметтік ақпарат, технологиялар, өнімдер, процестер немесе басқа элементтер қамтылуы немесе аталуы мүмкін. Сізге Компанияның немесе басқа тұлғалардың мұндай тауар таңбаларына, патенттеріне, өндірістік құпияларына, технологияларына, өнімдеріне, процестеріне немесе басқ да зияткерлік меншік құқықтарына ешқандай лицензия немесе құқық берілмейді немесе табысталмайды.
6. Сіз бізге беретін ақпарат
Біздің Құпиялық саясатымыздың күші таралатын жағдайлар мен ақпаратты қоспағанда, Сіз Сайтқа жіберетін барлық нәрсе құпия емес мәлімет ретінде қарастырылады және оны Компания кез келген мақсатта пайдалануы мүмкін. Сонымен қатар, Сіз Сайтқа жіберетін кез келген идеяларды Компания Сізге өтемақы төлеу бойынша міндеттеме туындамастан пайдалануға құқылы.
Сіз Сайтқа берген ақпаратта тұлғаны сәйкестендіруге мүмкіндік беретін мәлімет болса (мысалы, тегіңіз, мекенжайыңыз, телефон нөміріңіз, электрондық мекенжайыңыз), Компания бұл ақпаратты Сіздің келісіміңізбен Құпиялық саясатында көрсетілген ережелерге сәйкес алады, пайдаланады және сақтайды.
Сіз Сайтта жасаған барлық әрекеттеріңіз үшін, соның ішінде Қазақстан Республикасының заңнамасын бұзушылық үшін дербес жауапкершілік көтересіз.
7. Кепілдіктерге қатысты ескертпе
Компания Сайтта берілген ақпараттың дәлдігі мен өзектілігіне кепілдік беру үшін тиісті күш-жігер салып отырғанына қарамастан, ақпаратта дәлсіздік немесе қате болуы мүмкін. Компания кез келген уақытта алдын ала хабарламастан осындай ақпаратта көрсетілген ақпаратқа, өнімдер мен бағдарламаларға өзгерістер енгізу немесе Сайтты тоқтату құқығын өзіне қалдырады. Компания кез келген ақпараттың дәлдігіне қатысты ешқандай кепілдік немесе мәлімдеме бермейді. Компания Сайттың мазмұнындағы қандай да бір қателер немесе олқылықтар үшін ешқандай жауапкершілік көтермейді. БАРЛЫҚ АҚПАРАТ ҚОЛДАНЫСТАҒЫ ТҮРІНДЕ БЕРІЛГЕН. КОМПАНИЯ ОСЫ САЙТТА БЕРІЛГЕН АҚПАРАТТЫҢ ТОЛЫҚТЫҒЫНА НЕМЕСЕ ДӘЛДІГІНЕ НЕМЕСЕ ОНЫ ПАЙДАЛАНЫЛУ МҮМКІНДІГІНЕ ҚАТЫСТЫ ЕШҚАНДАЙ КЕПІЛДІК БЕРМЕЙДІ. ДЕМЕК, САЙТҚА КЕЛУШІЛЕР АҚПАРАТТЫ МҰҚИЯТ ТАЛДАУҒА ТИІС. КОМПАНИЯ ДА, ОСЫ САЙТТЫ ЖОБАЛАУҒА, ЖАСАУҒА НЕМЕСЕ ОСЫ САЙТҚА КІРУДІ ҚАМТАМАСЫЗ ЕТУГЕ ҚАТЫСТЫРЫЛҒАН КЕЗ КЕЛГЕН БАСҚА ТАРАП ТА САЙТҚА КІРУДІҢ, ОНЫ ПАЙДАЛАНУДЫҢ НЕМЕСЕ ОНЫ ПАЙДАЛАНУ МҮМКІН БОЛМАУЫНЫҢ НЕМЕСЕ ОСЫ САЙТ МАЗМҰНЫНДАҒЫ КЕЗ КЕЛГЕН ҚАТЕЛІКТЕРДІҢ НЕМЕСЕ ОЛҚЫЛЫҚТАРДЫҢ НӘТИЖЕСІНДЕ ТУЫНДАҒАН КЕЗ КЕЛГЕН ТІКЕЛЕЙ, НАҚТЫ ЖАНАМА НҰҚСАН НЕМЕСЕ АЙЫППҰЛ САНКЦИЯЛАРЫ ҮШІН ЖАУАПКЕРШІЛІК КӨТЕРМЕЙДІ. Сондай-ақ Компания Сіздің осы Сайтқа кіруге мүмкіндік берілуіне байланысты Сіздің компьютеріңізге келген қандай да бір нұқсан үшін немесе Сіздің компьютерлік жабдығыңызды немесе басқа мүлкіңізді зақымдауы мүмкін вирустардың әсері үшін жауапкершілік көтермейді.
8. Басқа сайттарға сілтемелер
Бөгде сайттарға сілтемелер осы сайтқа келушілерге ыңғайлы болу үшін берілуі мүмкін, бірақ мұндай сайттарды ұсыну болып табылмайды. Сіз Сайттан шыққан кезде біз Сізге бөгде сайттың пайдалану шарттары мен құпиялық саясаты біздің саясаттан өзгеше болуы мүмкін екенін хабарлауға тырысамыз. Солай болғанымен, Компания кез келген бөгде сайттардағы контенттің дәлдігі немесе заңдылығы үшін қандай да бір жауапкершілік көтермейді. Біз үшінші тарапта қабылданған құпиялықты қамтамасыз ету әдістеріне қатысты ешқандай жауапкершілік көтермейміз.